I NORDERLENDSKE FYRENAMN har Eivind Vågslid - som den fyrste - freista å samla alle opphavleg gamalnorske, gamalsvenske, gamaldanske, færøyske og islandske personnamn. Til personnamn reknar han òg namn som berre er kjende frå den gamle gudelæra og skaldskapen. Nokre fåe tyske og engelske lånenamn er og tekne med av di dei fell saman med opphavleg nordiske namn.
Oppslagsforma er norsk og skriven etter dei prinsipp som var lagde til grunn for namneformene i NORSK NAVNEBOK. Etter oppslagsnamnet fylgjer så opplysning om namnet er opphavleg norsk, svensk, dansk, islandsk eller færøysk. Deretter fylgjer tyding av namnet, utgreiing om dei ymse namneformer og tidfesting.
EIVIND VÅGSLID (1897-1986) var lektor i den høgre skulen 1933-61. Han var serleg kjend som forfattar av ei mengd verk om stadnamn, personnamn og norrønt språk.
