Forlaget skriver om denne boka:
Etter den mykje omtala og prisbelønte debuten med Skråninga i 2001 er Carl Frode Tiller tilbake med ein roman der han både utvidar og bekreftar sin posisjon som ein ambisiøs forfattar. I Bipersonar møter vi menneske som lever liv som grensar opp til kvarandre, men der kvart liv samstundes er ei eiga, lukka verd. Guten Kjell stikk når far hans, Thomas, har truffe ei ny kvinne. Thomas sin bror lever i spenningsfeltet mellom to dominerande kvinner, og Kjell sin halvbror lever på kanten av lova. Til slut blir vi kjende med forfattaren Arnt, som ein kveld får besøk av Thomas, ein av bipersonane i den romanen han skriv på Bipersonar handlar om vilkåra for å kunne leve seg inn i andre menneskes verd, og vi følgjer den innfløkte veven som liva deira utgjer.
