Soge- og skrøneforteljing er truleg det siste uregulerte området av norsk folkekultur. Hallgrim Berg har samla på gode historier i politikarmiljøet i årevis, og den første samlinga soger, "Når sevja stig", kom i 2003. Oppfølgjaren inneheld 111 soger, og nokre av dei mest frodige og politisk ukorrekte er illustrerte av Rune J. Andersson.
Forlaget skriver om denne boka:
I 2003 kom Når sevja stig - 101 saftige soger. Den vart ein suksess. Mange ventar på oppfølgjaren, og no kjem den i handelen. Boka har fått tittelen Når lauvet sprett - 111 nye saftige.
Dette er ein spenstig oppfølgjar. Berg serverer rikelege porsjonar med sex og sprit, men tek også fram sprelske soger der situasjonskomikken er gjennomført frå start til mål. Han lettar på sløret frå ufrivillige situasjonar som han og kollegaer frå politikken og samfunnslivet elles har hamna i.
Somme av sogene er baserte på sannferdige hendingar, andre kan vera vandrehistorier og variantar av klassiske buskisar, eller nye former for humor som susar inn på pc og mobil. Og nokre av dei mest frodige og politisk ukorrekte sogene er også denne gongen illustrert av Rune J. Andersson.
