Kulturfond
. - Boka 'Entusiasme og raseri' er ei samling av Nils Henrik Smiths beste artiklar om fotball. Essaya handlar om alt frå Erik 'Myggen' Mykland, det levande oppslagsverket Arne Scheie til historia om Afrikameisterskapen. Smith har gjennom fleire år vist at eit essay om fotball kan vere stor litteratur. I tekstane sine foreinar Smith på ein unik måte fotballfagleg analyse, historisk medvit og humor. Boka inneheld òg eit nytt essay om EM som skulle ha vore i 2020, men som no skal arrangerast i juni 2021 i staden. Smith har vunne Tarjei Vesaas` debutantpris og vart i 2015 nemnd som ein av Noregs ti mest lovande forfattarar av Morgenbladet. Omtalen er utarbeidd av BS.
GJENNOM EI ÅRREKKE har forfattaren Nils Henrik Smith vist at artiklar om fotball også kan vere stor litteratur. For Smith kan eit gjørmebad i tysk fjerdedivisjon vere meir givande for sjela enn ei festframsyning med Barcelona.
Entusiasme og raseri er ei samling av Nils Henrik Smiths beste tekstar om fotball. Her får du glitrande essay og artiklar om alt frå den geniale Erik "Myggen" Mykland, PostNord-oppgjeret mellom Fredrikstad og Moss i 2018 til hylling av det levande oppslagsverket Arne Scheie. Boka inneheld òg eit nyskrive essay om EM 2020, som på grunn av korona blir arrangert juni 2021.
Nils Henrik Smith kombinerer fotballfagleg analyse med historisk medvit, humor og ein unik stil.
