Forlaget skriv om denne boka:
Ei nydeleg bok du kan hente fram år etter år, når julemaset trugar med å ta overhand! Endeleg er det julekvelden for Stinus. Då kjem pappa på at han har gløymt å levere gåvene til onkel Anton. Sjølvsagt kjem nissen nett medan pappa er ute. Og då nissen går att, ser Stinus at han kyssar mamma!
Torvald Sund har tidlegare hatt suksess med dei sprelske forteljingane om mellom anna Onkel Oscar. Denne gongen syner han seg frå ei anna side, med ei god gammaldags juleforteljing.
Då nissen kyssa mamma er ein hyllest til jula slik vi lengtar etter at den skal vere: Ei tid for undring og ettertanke, der trua på det gode får litt betre vilkår enn elles.
Dei stemningsfulle illustrasjonane til Tord Nygren fyller boka med både vinterlys og varme, og er ei julegåve i seg sjølv.
